الى عالمي الجديد *غرفتي* / الجزء الاول ♥

السلام عليكم ورحمة الله وبركاته .
كيفكم يا جملين .

تتذكرو يوم قلتلكم اول اني كنت أأجل كل شي للبيت وكذا ؟ ، صح؟ ، المهم انو هذا الوقت جاء وبدينا ننقل الاغراض ، او بالاصح انا وحدي بديت .
(صوره لحوش البيت ، حديقتي على قولتي)
اول شي قبل ما ابدأ اقولكم خططي واش سويتي .

حابه اشكر المدونه :  هيا/coffee talk , لانها امس ابدت رأيها بمدونتي وفرحت مرره اتشجعت اكتب التدوينه .
وعلى وقت كلامها الا يكلمني بابا يقول اجهز الاغراض الي بنقلها.



نبدأ طوالي.

اول شي انا من زمان مسويتلي خطه عن النقل وكذا وكل شي واش احط واش اسوي وبذات اني بنقل بهالاسبوع وانا اصلا بسافر يعني حنقل اغراضي وبسافر وبعد ما ارجع كم يوم بعدين بنسكن البيت على طول .

صحيح ان اثاث غرفتي ما خلص بس والله الحمد فيه سرير ودواليب وكنب يعني ضمنت المكان .

امس لما كلمني بابا حطيت كل عفشي بالاكياس وبدون ترتيب ولا شي ، يوم خلصت استوعبت انو طريقتي خطأ ،
لذا طلعت كل شي ومسكت بخطتي الي جزئتها وسويت الي ابغاها.

خطتي كانت.

اني اول الاشياء الي انقلها : ( مواعيني ، ملابس العزايم و الزواجات و الرياضه والشنط ، واغراض المدرسه ، وادراجي"بدون الاكسسورات"، الكتب )
جيت بنقل الكتب الا اكتشف ان الكتب كلها مو لي وانها كلها ماخذتها من بابا خفت انقل شي وهم يبغونها لذا خليتها بكتبي واخذت  كل القران الي عندي .


وقمت طلعت كل شي ورتبتها بعلب وبشنط ويلا نوديها للبيت.

علقت عبايتي وبديت الشغل.

هاذي محتويات ادراجي الي نزلت لها تدوينه.

العلبه هذي كان فيها بعض اكوابي المفضله
وحطيتها بالمطبخ تحت لكن بطلعها فوق بعد ما اجيب دولاب خاص بمواعيني

مصاحفي الي اتكلمت عنها.

وهنا حطيتها بالمكتبه.



اول شي اسفه على دقة الصور كلها قاعده اصورها بسرعه بسرعه.
وغير كذا انا قلت قبل ان علبي مو متناسقه وكذا؟ ، انا حغيرها طبعا بس بعد ما أثث الغرفه عشان اجيب علب تكون مناسبه للغرفه .
الاغراض الي بجيبها الاغلب ان كلها بيكون بغرفة التغير لين ما اشتري المكتب والادراج والارفف وما الى ذلك.

اليوم ان شاء الله برتب شنطتي حقت السفر والباقي من الملابس  حنقله على طول للبيت ، بشيل جزمي الله يكرمكم ، ومخداتي.


.


من خطتي اني بطلع الي بدلاوبي"القديم" وبحطها بكرتون والي بمكتبي بكرتون والي بقى بأدراجي بكرتون وبرمي اثاث الغرفه للجمعيه.
عشان يطلع ما تحت اثاث اولا ، وثانيا احس انو شلت اغلب اغراضي واحس اني والله سويت شي.

النصائح الي بعطيها:


١- النقل الي بسرعه بسرعه ما يساعد ابدا ، لذا انقلي اغراضك على يوم يوم والافضل ان ما تحطيها وتطلعي ولا ترتيبها كمان عشان ما تتراكم عليك الاغراض.
٢- لا تنقلين وانتي ما عندك مكان تحطين فيه الاغراض لازم يكون عند دواليب او ادراج او شي تقدري تخزني فيه ولا تكون اغراضك مرميه بالغرفه بدون شي يضمها.
٣-ابدأي النقل باغراضك الاقل حاجه لها ، يعني مثلا انا نقلت باجازه لذا كل اغراض المدرسه نقلتها .
٤-وقبل كل شي استمتعي بالنقل ولا تعكرين مزاجك فيه خليه شي ممتنع بتسوينه وانو اشياء جديده وما الى ذلك.
٥- اذا كان فيه دخله للعمال اقفلي على الاغراض المهمه والثمينه بغرفه او درج او شي تضمني انه ما راح يجونه.
٦-بنقلتك حاولي تصفين اغراضك مو كلها تاخذينها يعني هذا وقت الجمعيه الخيريه تجي تاخذ العفش ، ملابس ما تحتاجينها اغراض قديمه ، عشان تروحين بعفش اقل وملبي لحاجتك ومافيه حوسه غير محتاجه لها " ما اقصد هنا انو ارمي كل شي ارمي لا ما تحتاجيه"



الى هنا تنتهي النصائح بيكون فيه اجزاء ثانيه ان شاء الله مثلا شكل الغرفه اش سويت واش حطيت ، نصائح ثانيه والمشكلات اذا وجدت وشلون حليتها او ان احذركم انكم تطيحون بنفس المشكله.

هاذي كم صوره وانا اسوي غرفة السواق مع بابا وكم شي من غرفتي.
اسفه دقتها مو كويسه لانها تصوير جوال.

سرير السواق بعد ما فرشته وكذا.

بعد ما خلصنا انا وبابا من نقل اغراضي الاولى.




شكرا لكم وان شاء الله اكون افدتكم ، والي عندها نصائح للنقل ممكن ترسلي اياها سواء بالتويتر او الفيس بوك او المدونه هنا او اي شي من مواقع التواصل الي ححطها تحت .
والي عندها افكار لتدوينات جديده تقولي ، والي اعطوني افكار وما سويتها يا اما ما يكون عندي وقت او مأجلتها لبعد النقله.



twitter:@raghadaboudi

instagram:raghad_aboudiwww.flickr.com/photos/raghadaboudi/
فيس بوك: رغد آلعبودي.
askfm : http://ask.fm/RaghoudXD