ليش فتحت المدونه؟ .

السلام عليكم ورحمة الله وبركاته ~

ان شاء الله حالكم يسر؟


اول شي اوجهه كلمة شكر لكل بنت تدون ومتفائله ولو بعد لكم هالبنات ما بخلص.

اولا ما شاء الله عليهم فيهم تفائل ونشاط وهمه وثقه الي افتقدهم وبقوه .

قعدت افكر ليش هذولي يقدرون يسون وانا ما اقدر اسوي لا اني فالحه بدراسه ولا اني فالحه بشي احبه ما غير اقعد اتفلسف بالتويتر واقلب باليتيوب ابغى اسوي ابغى ابدع ابغى اشغل نفسي مو ادرس انظف اطقطق على الاب توب ويخلص يومي وانا ما سويت شي مفيد .

لولا القراءه والكتابه والتصوير كان كرهت نفسي وحسيت نفسي مالي اي داعي بالحياه ووجودي زي عدمي.


كل ما قلت ببدأ من جديد اتردد واقول اذا سكنت بيتنا الجديد اذا سكنا وانا عارفه ان البيت ما راح نسكنه ع طول.

فكرت وقعدت اقول لنفسي رغد اسكني البيت بس بتقعدين تكرفين وتجهزين ونفسيتك وكل شي مستحيل تبدين على طول.

ليش ما ابدأ واجهز نفسي عشان يوم اروح البيت اكون جاهزه لرغد مثثقفه لرغد كاتبه لرغد متفائله لرغد شغيله .

مره جلست مع خالتي وبنت خالتي كنا نقرأ مدونة وحده وقررنا نبدأ بنت خالتي سويتلها مدونه وخالتي وانا عندنا قبل وتحمست ورحت اعدل بمدونتي وكل شي بس رجعت الشرقيه وحست مع المدرسه الجديده والنظام الجديد.

والان انا مستقره ليش ما ابدأ وليش ما اسوي واشتغل والحمدلله ها انا ابدأ.

الله يسهل علي ويخلني مناله لأعجابكم دائما.

احسكم تقولون شفيها ذي فجأه تكون كلمات ببالفصحى صراحه لي عشق بالفصحى من كثر حبي لها ودي اتكلم فيها احسها تشبع التعبيير وبقوه.




 كونو بأنتظار تدوينتي الثالثه .

دمتم بخير .

مع السلامه .