تـنـظـيـم الادراج

السلام عليكم ورحمة الله وبركاته ~

كيفكم يا جميلين؟

اليوم ان شاء الله حوريكم كيف منظمه ادراجي الي بحط فيها الكسسسورات واغراض المدرسه واشياء عشوائيه ثانيه.

طبعا كثير حيقولو مو منسقه العلب والتنظيم مو متناسقه الوانها واقولكم بالفعل مافي شي متناسق بس قلت لنفسي يابت انتي نظمي اغراضك اول بعدين اذا استمريتي روحي اشتري علب جديده ومرتبه ومنسقه.

وبالفعل جمعت علبي المررره كثيره وبديت ارتب اغراضي .

المغزى من هالشي واش فايدته.

-ترتيب لأغراضك .

- يبعد الحوسه.

- تعرفين كل شي ومكانه.





حنبدأ بأول درج ~

تقدرون تسمونه درج المدرسه .

فيه اغراض المدرسه وحوستها .

في غلط سويته اني ما صورت العلبه الحمرا لكن الي داخلها ( دباسه ، خرامه ، اله حاسبه، الة خياطه كانها دباسه )

اما العلب الاخرى

علبة الاوراق الصغيره ( النوت )

*النوت الي مرسوم عليها i love it so much .

علبة عشوائيه.
احنا بالبيت عندنا علبة كبيره فيها مساحات وبرايات واقلام وحوسة المدرسه.
فيعني مافي اغراض مميزه عني انا واخواني الا اغراض اشتريتها لحالي او طلبتها لحالي عشان كذا ما عندي اغراض مدرسه كثيره .
فهاذي علبه صغيره حطيتها فيها الاغراض البسيطه دي.

ماقدرت اصور لكم العلبه وهي مفتوحه وكل شوي تتسكر.
هاذي علبة الابر 

ههههههههه القلم التفاحي حق صحبتي ذكروني اعطيها من متى وهو عندي.
زي ما انتو شايفين كاس الاقلام مو عاجبني ابدا بس استخدمه الى ما اشتري واحد ارتب واحلى

هاذي العلبه تضحكو عليا لو قلت لكم كيف لقيتها.
جدتي اهدتني ساعه ودائما الساعات تجي علبه للساعه وفوقها علبه كرتون مررره خفيفه ما تتحمل مره.
اخذتها ولقيت مقطوع شويه منها رحت صمغته وخليته لخيوط التطريز.

الدرج الثاني :

تقدرو تسموه درج الخبيصه،
يعني فيه خرابيط وما الى ذلك تقدرو تقولو حق اكسسورات ومناكير وهدولي.

تقدرو تقولو اغلب علبي لها قصه،
هديه جات لبابا بهاذي العلبه وانا اخذتها بأذن من نفسي .
خليتها للمناكير بس امكن اغيرها لان فيه مناكير اكثر من كذا ومو قادره تدخل العلبه اظطريت اصفي بعضها وبعضها رفعتها لاني ما استخدمها كثير.

العلب الي بحبها *

حقت البدكير ادري قليله ومال امها داعي بس عشان يوم ادورها الاقيها ولا اخبص

لي عشق مع المناديل الي كذا اشتريها بالهبل عشان كذا خليت لها علبه.
طبعا ما تكفي عشان كذا بعضها رفعتها والبعض الاخر خليتو قدامي عشان اقدر اخليها 

علبة المداليات .

يمكن شفتوها وهي مفتوحه فوق.
هاذي مداليه هديه من بابا مررره احبها فيها صورتي وانا صغيره "الصوره دي يحبها بابا مرررره "
وصورة بابا وهو في الجامعه على ما اعتقد.

العلبه الي مررره احبها علبة "هيد باندس".
ربطات بالعربي .
بما اني اعشق الباند واكتشفت انها كثيييره فحطيت لها علبه خاصه.

علبة ككفرات الايفون.
مو مره مهتمه للكفرات كنت برميهم الا الي فوق طبعا لانو هديه من صحبتي دندون " شكرا داانه"
بس قلت خلني اخليهم يمكن يوم من الايام ابغاها.
وصراحه عندي اخت صغنونه مدري متى بتكسر جوالي فبحط الكفر عشان ما تكسرلي اياه.

هاذي العلبه جاتني من صحبتي سارا "سارا شكرا"

طبعا ما صورتها من جوا لأنها مو مرتبه مره قلت اصور لكم اياها اذا كانت مرتبه.
السبب انها مو مرتبه حقولكم اياه تحت لأنه له علاقه بصوره ثانيه.

الدرج  الثالث :

خليته درج للعلب عشان لو احتجت اعبي علب اخرى

الدرج الرابع :

ددرج الاكسسورات الي الاغلب البسها. 

اساور ، بكلات مرتبه "فيونكات ،وورد " .ربطات شعر ،ساعات خوات ، بنس ، بنس مرتبه =d

هي مقلمة حقت المدرسه قبل سنتين وما احتاجها لان نظام مدرستي ما يلزم اني اخذ اقلام كثيره وحوسه فأخذت وحده صغيره احلى وارتب وما تأخذ مكان.
عشان كذا اخذت هادا الشي علبه احط فيها ملققد وقصاص اضافر وامكن حاجات البدكير احطها هنا
احتمال اغير هاذي المقلمه مو اكيد



فاصل 

"اخويا عبودي وهو صغير "

عدنا 

الدرج الخامس:

درج الشنط .

العلبه الي جنب الشنطة الورديه "فيها شنط الي ما البسها كثير.
العلبه الي جنبها هي علبه الي بالصوره .
احط فيها الشنط الصغيره الي تنحط بالشنط يعني مثلا شنطة المكياج والاكسسورات.
واحط كمان اكياس الي تنحط بشنط السفر وغيرها.

حطيتها بنفس العلبه لإني ما اعرف وين احطهم 

تتذكرو العلبه الي فوق وقلت لكم ما صورتها من جوا لأن له سبب.
العلبه فيها سلاسل وحلق عشان كذا وحسيت انها تتلخبط وحوسه فأشتريت هاذي العلاقه من سنتر بوينت ٣٦ ريال "خاصه للسلاسل والحلق


صور ثانيه

الدرج السادس :

لو لاحظتو فيه اطواق هنا وشكلها مررره حوسه.
كنت حاطتهم على باب الدرج بس مع الايام صار يخايلني كل ما افتح الدرج يطيحو عشان كذا خليتهم هنا ع بالي ما الاقي حل مرتب لها.
والعلبه الي عليها وورد ما انحذفت صورتها بالغلط اسفه.
المهم العلبه فيها كم كوب كلها هدايه من صحباتي مغبيتهم اخاف يصير فيها شي.

العلبه الصغيره فيها الاشياء المخفيه هههه.
العلبه بكتات كوفي .
انا ممنوعه من الكوفي من قبل ماما واشتريت هاذي واخذت تهزيئه عليها وهي اصلا ما عجبتني عشان كذا خليتها عشان اورط اي احذ يزورني فيها =d

اتمنى اعجبكم التدوينه تراي تعبت وكديت وانا مع تحميل الصوره الخايس حق البلوقر عقدني.
ما ابغى اشوف زي كذا ترى حطمتوني مره

مشاهدات بدون تعليقات ابغى اشوف تعليقكم ورأيكم على الاقل بالتويتر 

شكرا يا حبايبي.

والسلام عليكم

دمتم بخير 


twitter : @raghadaboudi

ask fm : @RahgadXD

www.flickr.com/photos/raghadaboudi

http://sayat.me/raghoudi